శివుడి ఆజ్ఞ లేనిదే చీమయినా కుట్టదు!

శివుడి ఆజ్ఞ లేనిదే చీమయినా కుట్టదు!

సంకల్పం మనిషిది కావచ్చు... కార్యసిద్ధి మాత్రం ఆ పరమశివుడి అనుగ్రహమే!

సంపూర్ణం...!

సాధన కుటీర్ ద్వారా సాగుతున్న సమాజహిత కార్యక్రమాలకు మరింత ఆధ్యాత్మిక శక్తిని అందించాలనే సంకల్పంతో, ముందుగానే ఎంపిక చేసుకున్న బిల్వ, వేప వృక్షాల సన్నిధిలో వెలసిన సదాశివుడికి సదాశివ క్షేత్రంగా నామకరణం చేసుకుని, పవిత్ర మహాశివరాత్రి నాడు కుటీర్‌లో కొలువుదీరాడు.

నిత్య అభిషేక పూజలను అందుకుంటూ, భక్తుల ఆరాధనను స్వీకరిస్తూ, పవిత్ర కార్తీక మాసంలో తన సన్నిధికి వచ్చే ప్రతి ఒక్కరికీ ఆధ్యాత్మిక శక్తిని ప్రసాదించేందుకు తన స్థానాన్ని మరింత శక్తిమంతం చేసుకున్నాడు.

మహాశివరాత్రి నాడు కొలువుదీరిన సదాశివుడి సన్నిధిని సుందరీకరించాలనే సంకల్పంతో ఎన్నో ప్రయత్నాలు జరిగాయి. కానీ, ఎన్ని ప్రయత్నాలు చేసినా అప్పట్లో ఆ కార్యానికి అనుగ్రహం లభించలేదు. కాలం గడిచింది... కార్తీక మాసం వచ్చింది!

ఈసారి ఎలాంటి హడావుడి లేదు... ఆర్భాటం లేదు... కేవలం నిశ్శబ్ద భక్తి మాత్రమే!

కానీ, ఆ నిశ్శబ్ద భక్తికి స్పందించినట్టుగా సదాశివుడే తన కార్యసిద్ధికి కొందరిని నిమిత్తమాత్రులుగా ఎంచుకున్నాడు. తమ సంపదను, సమయాన్ని, శ్రమను స్వచ్ఛందంగా సమర్పించిన భక్తుల ద్వారా క్షేత్ర సుందరీకరణ కార్యం సంపూర్ణమైంది.

ఇది కేవలం ఒక నిర్మాణం పూర్తయిన సందర్భం కాదు... ఒక సంకల్పానికి శివానుగ్రహం తోడైన సందర్భం!

శివుడు ఎప్పుడు అనుగ్రహిస్తాడో, ఎవరిని నిమిత్తంగా ఎంచుకుంటాడో, ఏ కార్యానికి ఎప్పుడు ముహూర్తం నిర్ణయిస్తాడో మన ఊహకు అందదు. మనం చేయగలిగిందల్లా నిష్కల్మషమైన సంకల్పంతో ప్రయత్నించడం, ఆయన అనుగ్రహం కోసం నిరీక్షించడం మాత్రమే!

ఈ కార్యంలో తమ సమయాన్ని, సంపదను, శ్రమను సమర్పించిన ప్రతి ఒక్కరూ ఆ సదాశివుడి అనుగ్రహానికి పాత్రులే.

ఇప్పుడు సాధన కుటీర్‌లో సదాశివుడి సన్నిధి మరింత శక్తిమంతమైంది. ఆ శక్తికి తగినట్టుగానే కుటీర్ బాధ్యత కూడా మరింత పెరిగింది.

ఇకపై ఈ శక్తి వ్యక్తిగత ఆరాధనకే పరిమితం కాకుండా, సమాజహితానికి, ధర్మ పరిరక్షణకు, భావితరాల ఉన్నతికి మరింతగా ఉపయోగపడాలి.

ఎందుకంటే...

శివుడు కొలువుదీరిన చోటు కేవలం ఆలయం కాదు... శివ సంకల్పంతో సమాజానికి మేలు జరిగే చోటే నిజమైన క్షేత్రం!

ఓం నమః శివాయ!

సర్వం శివార్పణమస్తు!

7Oth SGF RRDist Kabaddi Selections @ SadhanaKuteer

🏆 70th SGF RANGAREDDY DISTRICT LEVEL KABADDI TOURNAMENT CUM SELECTIONS – 2026 🏆

https://www.facebook.com/share/p/1F7pd4tVfC/

Successfully Hosted at GSF – Sadhana Kuteer, Ibrahimpatnam

GSF Sadhana Kuteer had the privilege of hosting the 70th School Games Federation (SGF) Rangareddy District Level Kabaddi Tournament Cum Selections for Under-14 Boys & Girls.

The tournament witnessed enthusiastic participation from 230 talented students representing 10 zones of Rangareddy District, along with the active participation of 70 Physical Directors (PDs) and Physical Education Teachers (PETs).

The event was graced by distinguished guests and sports personalities:

Dignitaries & Special Guests

- Sri Raju Garu – ACP, Ibrahimpatnam

- Sri Mahender Reddy Garu – CI, Ibrahimpatnam

- Sri Mallishwar Garu – Kabaddi Coach

- Sri Mallesh Garu – Asian Games Gold Medalist, Kabaddi

Sports Association Representatives

- Dr. Raghava Reddy – PETA Telangana State President

- Sri D. Ravi Kumar – PETA Telangana, Rangareddy District General Secretary

- Sri Saber – PD & PET Association General Secretary

- Sri Malga Venkatesh – PETA Telangana, Rangareddy District Treasurer

GSF Representatives

- Sri Sada Venkat Garu – Founder, GSF

- Smt. Pramoda Garu – SAADRI In-charge

- 

- Sports Wing team & Volunteers 

The presence and encouragement of distinguished guests, sports officials, coaches and physical education teachers added great value to the event.

At GSF Sadhana Kuteer, we believe that every rural child deserves an opportunity to discover, develop and demonstrate their sporting talent.

Our sincere gratitude to all the officials, PDs, PETs, coaches, volunteers and participating students who contributed to making this sporting event a grand success.

https://www.facebook.com/share/v/1DujLA7CS4/

GSF_Sadhana Kuteer – A Place to NURTURE the RURAL TALENT.

:~ GSF_Sports Wing

ఆపదలు... అనుభవాలు... ఆత్మవిశ్వాసం... పునర్జీవనం!

ఆపదలు... అనుభవాలు... ఆత్మవిశ్వాసం... పునర్జీవనం!

సమాజహితం కోసం చేపట్టిన ఒక మంచి కార్యానికి ఆటంకాలు, అవరోధాలు ఎదురయ్యాయంటే... ఆ కార్యం మరింత గొప్పగా రూపుదిద్దుకోవడానికేనన్న పెద్దల మాట అక్షరాలా సత్యం.

అలాగే, మనకు ఎదురయ్యే ప్రతి ఆటంకం, ప్రతి ఆపద మనల్ని పరీక్షించడమే కాదు... మనలోని శక్తిని వెలికితీసి, మన స్థాయిని పెంచడంతో పాటు, ఆ క్లిష్ట సమయంలో మనవారెవరో, పరాయివారెవరో కూడా పరిచయం చేస్తుంది. మన వెంటే నడిచేవారెవరు? మనల్ని నడిపించేవారెవరు? మనం కష్టాల్లో ఉన్నప్పుడు చేయూతనిచ్చేవారెవరు? అన్నది తెలియజేస్తుంది.

అయితే, ఈ సత్యాల లోతును మాటల్లో వినడం వేరు... స్వయంగా అనుభవించి, ఆ అనుభూతిని పొందడం వేరు. అలాంటి అనుభవం ఎదురైనప్పుడే వాటి విలువ, వాటి వెనుక ఉన్న జీవిత సత్యం పూర్తిగా అర్థమవుతాయి.

ఈ ప్రస్తావన ఎందుకంటే...

ఒకప్పుడు అద్భుతంగా సాగుతున్న GSF కార్యక్రమాలకు నిలయంగా, పల్లె ఆణిముత్యాల ప్రతిభకు వేదికగా ఎదుగుతున్న సాధన కుటీర్ 2022లో అక్రమార్కుల దాడికి గురై విధ్వంసానికి గురైంది. ఆ దాడి సృష్టించిన విధ్వంసం ఒక భౌతిక నష్టం మాత్రమే కాదు... ఒక సంకల్పానికి, ఎన్నో ఆశలకు ఎదురైన తీవ్రమైన పరీక్ష.

అయినా ఆ దెబ్బకు కుంగిపోకుండా, ఎదురైన ఆటుపోట్లను తట్టుకుని, కోల్పోయిన శక్తిని కూడదీసుకుని సాధన కుటీర్ తిరిగి నిటారుగా నిలబడిన ప్రస్థానంలో పొందిన అనుభవాలు, అనుభూతులే ఈ అక్షరాలకు ప్రేరణ.

అందుకే అంటారు... మనకు ఆపదలు సృష్టించినవారిని, ఆపద సమయంలో మనల్ని వదిలేసినవారిని, అదే ఆపద సమయంలో మనకు అండగా నిలిచినవారిని ఎప్పటికీ మర్చిపోకూడదని.

ఎందుకంటే, ఈ ముగ్గురూ మన జీవితంలో ఏదో ఒక పాఠాన్ని నేర్పుతారు. ముఖ్యంగా, కష్టకాలంలో మనకు చేయూతనిచ్చినవారి పట్ల కృతజ్ఞత కలిగి ఉండాలి. అదే సమయంలో, మనల్ని మనం నమ్ముకుని, స్వతంత్రంగా ఎదిగేలా చేసిన అనుభవాల పట్ల కూడా కృతజ్ఞతతో ఉండాలి.

ఇక్కడ కూడా అదే జరిగింది!

ఎన్నో ఆటుపోట్లను అధిగమించి, ఈ కాలంలో GSF కార్యానికి తిరిగి పునర్జీవం పోసుకుని, సాధన కుటీర్ మళ్లీ తన లక్ష్యం వైపు అడుగులు వేస్తున్న సందర్భమిది.

మరో విశేషమేమిటంటే... ఏమాత్రం ఆర్థిక స్థిరత్వం లేకపోయినా, నిరంతరం కొనసాగాల్సిన సమాజహిత కార్యక్రమాలకు ఎలాంటి లోటు రాకుండా, అవసరమైన సమయానికి అవసరమైన వనరులు, సహకారం సమకూరుతూ ఉండటం నిజంగా దైవానుగ్రహమే! ప్రకృతి కరుణే! మన సంకల్పం స్వచ్ఛంగా, లక్ష్యం సమాజహితంగా ఉన్నప్పుడు ప్రకృతి ఏదో ఒక రూపంలో సహకరిస్తుందనడానికి ఇదొక ప్రత్యక్ష అనుభవం. ఆ సహకారం అందించిన ప్రతి హృదయం వెనుక ఒక దైవ సంకల్పం ఉందని భావిస్తాను.

ఈ పునఃప్రస్థానంలో, ముఖ్యంగా ఈ సంధికాలంలో మాకు అండగా నిలిచిన ప్రతి హృదయానికి, ప్రతి సహృదయానికి, ప్రతి శ్రేయోభిలాషికి మనస్ఫూర్తిగా ధన్యవాదాలు తెలియజేస్తున్నాను.

ఇకముందు... ప్రారంభ దశలో ఉన్న అదే శ్రద్ధను, అదే శక్తిని, అదే పట్టుదలను తిరిగి కూడదీసుకుని, పల్లె ఆణిముత్యాల ప్రగతి కోసం మరింత చైతన్యంతో, స్ఫూర్తితో, అంకితభావంతో పనిచేయాలన్నదే నా సంకల్పం.

GSF ఆవిర్భావం నుంచి ఎదుగుదల వరకు, ఎదురైన ఆటుపోట్లు, సాధించిన విజయాలు, నేర్చుకున్న పాఠాలు, పునర్జీవన ప్రస్థానం వరకు... GSF ప్రయాణాన్ని సమయానుకూలంగా, సవివరంగా మీ ముందుంచుతాను. అది కేవలం ఒక సంస్థ ప్రస్థానం మాత్రమే కాదు... ఒక సంకల్పం, ఎన్నో అనుభవాలు, అనేకమంది సహకారం, మరెన్నో జీవితాల ఆశల ప్రయాణం.

ఆ సంకల్పానికి ప్రకృతి సహకరించాలని... సమాజహితాన్ని కోరుకునే సహృదయుల సహకారం నిరంతరం అందాలని... ఎదురయ్యే ప్రతి పరిస్థితినీ అధిగమించే శక్తి, ఓర్పు, ఆరోగ్యం ప్రసాదించాలని ఆకాంక్షిస్తూ...

*ఆటంకాలు మనల్ని ఆపలేవు... అవి మనల్ని మరింత దృఢంగా నిలబెట్టే మెట్లుగా మారాలి.*

సంకల్పం బలంగా ఉంటే పునఃప్రారంభం కూడా ఒక నూతన చరిత్రకు నాంది అవుతుంది!

:~ సదా వెంకట్, GSF

సంఘమిత్ర సమావేశం

భారతీయ జ్ఞానం ఆధారంగా భారతీయ విద్యా నమూనాను అభివృద్ధి చేయడం, భారతీయ విద్యా వ్యవస్థను పరాయి భావజాల ప్రభావం నుంచి విముక్తం చేసి, 21వ శతాబ్దానికి అనుగుణంగా పునర్నిర్మించాలనే లక్ష్యంతో పనిచేస్తున్న పునరుత్థాన్ విద్యాపీఠం – తెలంగాణ కేంద్రం పరిచయ కార్యక్రమానికి సాధన కుటీర్ వేదికైంది

అదే విధంగా, వ్యక్తులుగా, సంస్థలుగా వివిధ రంగాల్లో సామాజిక సేవా కార్యక్రమాలు నిర్వహిస్తున్న సామాజిక కార్యకర్తలు, సంస్థల సమ్మిళిత వేదిక అయిన సంఘమిత్ర బృందం నెలవారీ సమావేశం కూడా సాధన కుటీర్‌లో నిర్వహించబడింది.

ప్రేరణ

పల్లె ఆణిముత్యాల పద్యగానం

 

అందరికి శుభోదయం. నిన్న మా పాఠశాల కు రంగారెడ్డి జిల్లా అడిషనల్ కలెక్టర్ కిరణ్మయి మేడం వచ్చారు.వారి ముందు మా పిల్లలు చక్కగా పద్యాలు పాడారు. వాటి భావాలు కూడా అడిగారు పిల్లలు చక్కగా చెప్పారు పద్యాల తోరణం కార్యక్రమం గురించి చెప్పాము.అభినందనలు తెలియచేసారు. జ్ఞాన సరస్వతి ఫౌండేషన్ వారికి వేవేల కృతజ్ఞతలు.           ZPHS బాలికల పాఠశాల, షాద్నగర్.

రామ నామ ఉచ్చారణ భలం

అఖండ కార్యకర్తలు, సభ్యులు, శ్రేయోభిలాషులందరం గమనిద్దాం..

లోకకళ్యాణం కోసం, వీరపట్నం పరిసర ప్రాంతాలు సుభిక్షంగా, సస్యశ్యామలంగా ఉండాలని కాంక్షిస్తూ, *2015వ సంవత్సరం పవిత్ర కార్తీక పౌర్ణమి రోజున  జగద్గురు శంకరాచార్యులు, శ్రీ హంపీ వీరుపాక్ష విద్యారణ్య భారతి స్వామిజీ కరకమలములచే పెద్ద చెరువులో గంగమ్మకు అఖండ హారతి – రాచకొండలో శివయ్యకు అఖండజ్యోతి కార్యక్రమాన్ని ప్రారంభించాము.* నాటి నుంచి ఆ కార్యక్రమం నిరంతరంగా కొనసాగుతూనే ఉంది.

అదేవిధంగా, *ఆంజనేయస్వామి దివ్య అనుగ్రహంతో మరో మహత్తర కార్యంగా 108 అడుగుల శ్రీ పంచముఖ హనుమాన్ విగ్రహ నిర్మాణానికి సంకల్పం జరిగింది.*

*పనుల్లో కొంత జాప్యం జరిగినప్పటికీ, ఈ పవిత్ర కార్యాన్ని ఆ దైవమే మన ద్వారా పూర్తి చేయించుకుంటుందనే విశ్వాసం మనకుంది. లోకకళ్యాణం కోసం సంకల్పించిన కార్యంలో జాప్యం జరిగిందంటే, అది మరింత గొప్పగా, మరింత వైభవంగా జరగాలనే దైవ సంకల్పంగా భావిద్దాం.*

*బహుశా… ఆ సమయం ఇప్పుడు ఆసన్నమైనట్టుంది*.

*మనందరి భాగస్వామ్యంతో తన కార్యాన్ని పూర్తి చేయించుకోవాలని ఆంజనేయస్వామి మనకు అవకాశం కల్పిస్తున్నాడని భావిద్దాం. రాబోయే కొన్ని రోజుల్లో ఆ దైవ కార్యం వైపు మన పయనం ప్రారంభిద్దాం.*

*అవకాశం ఉన్న ప్రతి ఒక్కరూ తమ అమూల్యమైన సమయాన్ని ఈ పవిత్ర కార్యం కోసం వెచ్చించేందుకు సిద్ధం కావాలని మనస్ఫూర్తిగా కోరుతున్నాము. కార్యక్రమానికి సంబంధించిన కార్యాచరణను సమయానుకూలంగా తెలియజేస్తాము.*

*దైవ కార్యంలో… ధర్మ కార్యంలో అందరూ సామాన్యులే, అందరూ సమానులే.*

*హోదాలకు,స్థాయులకు, భేదాలకు అతీతంగా మనమంతా ఒక్కటై, ఆంజనేయస్వామి కార్యానికి మన వంతు సమర్పిద్దాం.*

*దైవ సంకల్పానికి మన సంకల్పం తోడవుదాం*. 

*ధర్మ కార్యానికి మన సమయం, శ్రమ, సహకారం అందిద్దాం. ఆ పవిత్ర కార్యం కోసం సిద్ధంగా ఉందాం*.

జై శ్రీరామ్!

జై హనుమాన్!

భవదీయులు,

సదా వెంకట్,

హరివర అఖండక్షేత్ర సమితి.

పత్రికలలో పద్యాల తోరణం మహోత్సవం

నిస్వార్ధ నిశ్శబ్ద సేవ

🌿 GSF పద్యాల తోరణ బృందానికి శుభాకాంక్షలు… శుభాభినందనలు!

 💐

https://gnanasaraswathifoundation.blogspot.com/2026/09/2026_01943167953.html

మన ద్వారా వెచ్చించిన ప్రతి నిమిషం ఎంత విలువైనదో నిన్నటి పద్యాల తోరణం మహోత్సవం మరోసారి నిరూపించింది. ఒకటి రెండు విభాగాలు మినహా, అన్ని విభాగాల పనులు అనుకున్న విధంగా విజయవంతంగా సాగాయి.

ఉత్సవానికి విచ్చేసిన ఉపాధ్యాయులలో కనిపించిన సంతృప్తి, ఆశ్చర్యం, ఆనందం మ వ్యవస్థకు లభించిన గొప్ప ప్రశంస. వారు అందించిన అభిప్రాయ పత్రాలు కూడా అదే విషయాన్ని స్పష్టంగా తెలియజేస్తున్నాయి.

ఈ ఫలితం ఒక్కరి కృషి కాదు… ఎవరికి వారు ప్రచారానికి దూరంగా, నిస్వార్థంగా, నిశ్శబ్దంగా తమ బాధ్యతను నిర్వర్తించిన ప్రతి కార్యకర్త సమష్టి శ్రమకు ప్రతిఫలం.*

*ఆ నిశ్శబ్ద సేవే ఈ పద్యాల తోరణానికి అసలైన తోరణం!* 🌿

ఈ కార్యక్రమానికి ఆర్థికంగా, వస్తు రూపంలో, సమయం, శ్రమతో సహకరించిన ప్రతి హృదయానికి మనందరి తరపున హృదయపూర్వక కృతజ్ఞతలు.

మన వ్యవస్థ ఇతర జిల్లాలకు కూడా ఒక స్ఫూర్తిగా నిలవాలనే మన ఆకాంక్షకు మంచి స్పందన లభించింది. మూడు జిల్లాల నుంచి న్యాయనిర్ణేతలుగా విచ్చేసిన భాషా పావీణ్యులు వ్యక్తం చేసిన అభిప్రాయాలు మనకు మరింత శక్తిని, బాధ్యతను ఇచ్చాయి.

మన్ననలు పొందింది ఒక కార్యక్రమం కాదు…

దాని వెనుక నిలిచిన నిస్వార్థ సేవా భావం.

ఈ మహోత్సవం విజయానికి తమ వంతు బాధ్యతను నిశ్శబ్దంగా, నిస్వార్థంగా నిర్వర్తించిన ప్రతి సేవకుడికీ

జిల్లా పద్యాల తోరణం మహోత్సవం బృందం తరపున హృదయపూర్వక శుభాకాంక్షలు, అభినందనలు. 💐🙏

త్వరలో ఒక రోజు Online సమీక్ష నిర్వహిద్దాం. ముందుగా ఉపాధ్యాయుల సమీక్ష పూర్తయిన వెంటనే GSF బృందం సమీక్షను కూడా నిర్వహించుకుందాం.

బాధ్యత తీసుకోకుండా ఫలితాలను ఆశించలేము - సేవను బాధ్యతగా చేయాలన్న GSF నినాద స్ఫూర్తిని కొనసాగిద్దాం.

మన సేవ నిశ్శబ్దంగా ఉండొచ్చు… కానీ దాని ప్రభావం తరతరాలకు వినిపించాలి. 🌿

అందరికీ మరోసారి హృదయపూర్వక శుభాకాంక్షలు. 💐

::~ #సదావెంకట్ GSF

ఉపాధ్యాయ దినోత్సవం -2026

🌸 *ఉపాధ్యాయ దినోత్సవ శుభాకాంక్షలు* 🌸

“ *అక్షరాలను నేర్పించేవారు ఉపాధ్యాయులు…కానీ ఆ అక్షరాలకు అర్థం చెప్పి, జీవితాన్ని తీర్చిదిద్దేవారు గురువులు*.”

*ఒక విద్యార్థి చేతిలోని పుస్తకాన్ని జ్ఞానదీపంగా మార్చేది ఉపాధ్యాయుడు.*

*ఒక సాధారణ విద్యార్థిలో దాగి ఉన్న ప్రతిభను గుర్తించి, దానికి సరైన దిశను చూపేది ఉపాధ్యాయుడు.*

*విజయం వచ్చినప్పుడు అభినందించి, వైఫల్యం ఎదురైనప్పుడు ధైర్యం చెప్పి, జీవితంలో ముందుకు నడిపించే నిజమైన మార్గదర్శి గురువు*.

*డా.సర్వేపల్లి రాధాకృష్ణన్ గారి జయంతిని పురస్కరించుకుని జరుపుకునే ఉపాధ్యాయ దినోత్సవం, ఉపాధ్యాయుల సేవలను స్మరించుకునే ఒక సందర్భం మాత్రమే కాదు… జ్ఞానాన్ని, విలువలను, బాధ్యతను భవిష్యత్ తరాలకు అందించే మహోన్నత వృత్తికి మనం ఇచ్చే గౌరవానికి ప్రతీక.*

*ప్రత్యేకంగా ప్రభుత్వ పాఠశాలల్లో పనిచేస్తూ, పరిమిత వనరుల మధ్య కూడా గ్రామీణ విద్యార్థుల భవిష్యత్తు కోసం నిరంతరం శ్రమిస్తున్న ఉపాధ్యాయుల సేవలు అభినందనీయం*. *వారి కృషి వల్లే ఎన్నో ప్రతిభలు వెలుగులోకి వస్తున్నాయి; ఎన్నో జీవితాలు కొత్త దిశను అందుకుంటున్నాయి.*

*జ్ఞానసరస్వతి ఫౌండేషన్* (GSF) ఎప్పటినుంచో నమ్ముతున్నది ఒక్కటే

“ప్రతిభ ఎక్కడ ఉన్నా గుర్తించాలి… సరైన సమయంలో చేయూతనివ్వాలి… సరైన దిశలో నడిపించాలి.”

*ఈ మహత్తర లక్ష్యంలో ఉపాధ్యాయులు మా అత్యంత విలువైన భాగస్వాములు.*

*విద్యార్థుల్లో జ్ఞానంతో పాటు క్రమశిక్షణ, సంస్కారం, దేశభక్తి, సేవాభావం, నాయకత్వ లక్షణాలను పెంపొందించే ప్రతి ఉపాధ్యాయుడికి GSF హృదయపూర్వక వందనాలు*.

*ఒక మంచి ఉపాధ్యాయుడు ఒక విద్యార్థిని మాత్రమే మార్చడు*…

*ఒక కుటుంబాన్ని, ఒక సమాజాన్ని, చివరికి ఒక దేశ భవిష్యత్తును మార్చగలడు*.

*అటువంటి మహోన్నత ఉపాధ్యాయులందరికీజ్ఞానసరస్వతి ఫౌండేషన్(GSF) తరఫున హృదయపూర్వక ఉపాధ్యాయ దినోత్సవ శుభాకాంక్షలు*.

🙏*గురువులకు వందనాలు!* 🙏

*జ్ఞానం పంచుదాం… ప్రతిభను ప్రోత్సహిద్దాం*…

*భవిష్యత్ భారతాన్ని నిర్మిద్దాం*!

:~ 

*సదా వెంకట్, GSF*

పద్యానికి తోడ్పాటు - ఆహ్వానం

🌺 పద్యాల తోరణం – తెలుగు పద్య పరిరక్షణకు మనందరి తోడ్పాటు 🌺

“తెలుగు భాషను భవిష్యత్ తరాలకు భద్రంగా అందిద్దాం”* అనే సదాశయంతో, *పాఠశాల స్థాయి నుంచే ప్రారంభమైన పద్యాల తోరణం కార్యక్రమం నేడు ఒక సాంస్కృతిక ఉద్యమంగా ముందుకు సాగాలన్నది ప్రతి తెలుగు భాషాభిమాని ఆకాంక్ష.*

*మన తెలుగు భాషకు, సాహిత్యానికి, పద్య సంపదకు ఉన్న గొప్పతనాన్ని భావితరాలకు పరిచయం చేస్తూ, వారిలో పద్యంపై ఆసక్తి, భాషపై అభిమానం, సాహిత్యంపై ప్రేమ పెంపొందించడమే ఈ కార్యక్రమ ప్రధాన లక్ష్యం.*

📢 పోటీల వివరాలు:

🔸 *సెప్టెంబర్ 6వ తేదీ నుండి ఆయా మండల కేంద్రాలలో మండల స్థాయి పద్యాల తోరణం పోటీలు జరుగుతాయి.*

🔸 *సెప్టెంబర్ 21వ తేదీన జిల్లా స్థాయి పద్యాల తోరణం పోటీలు, GSF సాధన కుటీర్లో నిర్వహించబడతాయి*.

*ప్రస్తుతం రంగారెడ్డి జిల్లా స్థాయిలో, అనంత సాహిత్య సాంస్కృతిక వేదిక📚 మరియు తెలుగు పండిత పరిషత్📖 సహకార–సమన్వయంతో, జ్ఞానసరస్వతి ఫౌండేషన్(GSF)📝 ఆధ్వర్యంలో ఈ కార్యక్రమం జరుగుతోంది.*

*ఈ ప్రయత్నం కేవలం ఒక జిల్లా స్థాయికే పరిమితం కాకుండా, ఇతర జిల్లాలకు స్ఫూర్తిగా నిలిచి, రాష్ట్రవ్యాప్తంగా తెలుగు పద్య వైభవాన్ని చాటే ఉద్యమంగా రూపుదిద్దుకోవాలి అన్న ఆశయంతో నిర్వాహక బృందం ముందుకు సాగుతోంది*.

🙏 *ఈ మహత్తర సాహిత్య యజ్ఞంలో భాగస్వాములు కావాలని ఆహ్వానం*…

*తెలుగు సాహితీవేత్తలు, పండితులు, అధ్యాపకులు, ఉపాధ్యాయులు, పద్య పఠకులు, పద్య గాయకులు, కళాకారులు, విద్యార్థులు మరియు తెలుగు భాషాభిమానులందరూ తమ వంతు సహకారం అందించాలని మనవి.*

*మీకు అవకాశం మేరకు*:

⏳ సమయాన్ని

💰 సంపదను

📚 జ్ఞానాన్ని

🤝 సహకారాన్ని

సమర్పించి, ఈ పద్యాల తోరణం ఉత్సవ నిర్వహణలో భాగస్వాములు కావచ్చు.

*ఒక్కరి ప్రయత్నం ఒక కార్యక్రమం కావచ్చు*…

*అందరి భాగస్వామ్యం ఒక ఉద్యమం అవుతుంది!*

📞 వివరాలకు:

+91 99513 92714

+91 96407 55648

+91 90002 51604

🌿 *పద్యం తెలుగు భాషకు ప్రాణం… పద్యాన్ని అందిపుచ్చుకుందాం*

🌿 *తెలుగు భాషను భద్రంగా భావితరాలకు అందిద్దాం!*

ధన్యవాదములతో,

తెలుగు భాషాభిమాని

:~ *సదా వెంకట్, GSF*

DEO పుస్తకావిష్కరణ

తెలుగు బాషను భవిష్యత్ తరాలకు భద్రంగా అందిందాం  సదాశయంతో జ్ఞానసరస్వతి ఫౌండేషన్ నిర్వహిస్తున్న పద్యాల తోరణo ఉత్సవ నిర్వహణలో భాగంగా  రంగారెడ్డి జిల్లా విద్యాధికారి 

శ్రీ వెంకటేశ్వర్లు గారిచే పద్యాల తోరణం నిర్వహణ బృందo..

పద్యతోరణ పుస్తక ఆవిష్కరణ.

ఉత్సవానికి అన్ని రకాల సహకారం అందిస్తాం అని తెలిపి, సంబoదిత అధికారులకు ఆదేశాలిచ్చి Proceeding ఇచ్చిన

DEO గారికి GSF తరపున తెలుగు బాషాభిమానుల తరపున ధన్యవాదాలు.

పద్యం తెలుగు బాషకు ప్రాణం.. ఆదరిద్దాం.

ఉత్సవ నిర్వహణలో భాగస్తులు కావాలని తెలుగు బాషాభిమానులకు ఆహ్వానం పలుకుతున్నాం.

:~ సదా వెంకట్, GSF.

సాధన Camp - September Spell

ప్రతిభను గుర్తిద్దాం - ప్రతిభావంతులకు సరైన సమయంలో చేయూతనoదిద్దామనే  సదాశయంతో ఎంపిక చేసిన ప్రభుత్వ బడుల విద్యార్థులకు నిరంతర సాధన శిబిరాలు.